آنکھ وہ جو رازِ ہستی کا نشاں پہچان لے
خاک میں پوشیدہ ہر اک آسماں پہچان لے
آنکھ وہ جو خود کو دیکھے، پھر جہاں کو دیکھ لے
اپنی مٹی میں چھپا نورِ اذاں پہچان لے
آنکھ اگر بیدار ہو تو سنگ بھی گویا بنے
خواب غفلت چھوڑ کر سوزِ فغاں پہچان لے
آنکھ کو بخشے بصیرت عشق کا سوزِ دروں
عقل پھر ہر موڑ پر راہِ اماں پہچان لے
آنکھ اگر سجدہ کرے حق کی جلالت کے حضور
تاج والے بھی فقط خاکِ نشاں پہچان لے
آنکھ میں جب غیرتِ کردار زندہ ہو گئی
تخت کیا، ہر سلطنت کو رائیگاں پہچان لے
آنکھ اگر اخلاص سے لبریز ہو اے دوست پھر
دشمنی میں بھی چھپا امکانِ جاں پہچان لے
آنکھ پر جب نفس کے پردے اترتے ہی نہیں
کیسے وہ جلوۂ حق کا امتحاں پہچان لے
آنکھ وہ جو وقت کی رفتار کو سمجھے ذرا
ہر گھڑی میں اک نیا دورِ زماں پہچان لے
آنکھ کو بیدار کر، اے مردِ راہِ آرزو
اپنی منزل، اپنا رستہ، اپنی شاں پہچان لے
مزمل حسین چیمہ
Leave a Reply