Aaghar Nadeem Sahar

آغر ندیم سحر کا تعلق شعبہ ِ ادب ، صحافت اور تدریس سے ہے ۔ آپ نے اورینٹل کالج ، پنجاب یونیورسٹی سے ایم اے (ادبیاتِ اردو) اور گورنمنٹ کالج یونیورسٹی لاہور سے ایم فل(ادبیاتِ اردو) کی ڈگری حاصل کی ہے اور ان دنوں پنجاب یونیورسٹی ے ادارہ زبان و ادبیاتِ اردو سے بطور پی ایچ ڈی ریسرچ اسکالر بھی وابستہ ہیں ۔ 2012 میں آپ کا پہلا شعری مجموعہ “لوحِ ادراک ” شائع ہوا اور 2013 میں کہانیوں کا انتخاب شائع ہوا، 2022 میں آپ کے مضامین کا مجموعہ “کالم نگری” شائع ہوا۔ آپ کئی قومی اخبارات میں مختلف عہدوں پر بھی فائز رہے، ریڈیوز ، ایف ایم 105، 95 میں بطورِ آر جے اور نیوز اینکر بھی وابستہ رہے ۔
آپ کو ملک کی کئی اہم علمی و ادبی تنظیموں کی طرف سے ایوارڈ، سرٹیفکیٹس اور اعزازی شیلڈز سے نوازا جا چکا ہے ۔ آپ درجنوں سرکاری و نجی اداروں کی اردو کانفرنسوں میں بطورِ مندوب و ریسرچ اسکالر بھی شریک ہو چکے ۔ 2013 میں آپ کو اردو مضمون نگاری میں وزارتی سرٹیفکیٹ بھی دیا گیا ، آپ ان دنوں کینٹ بوائز کالج سے بطورِ صدر شعبہ اردو وابستہ ہیں ۔
آغر ندیم سحر ، پاکستان ٹیلی ویژن ، دنیا نیوز، ڈسکور پاکستان اور لاہور نیوز سمیت کئی ٹی وی چینلز کے مارننگ شوز ، ٹاک شوز میں بطور مہمان شخصیت ، بطور شاعر اور بطور مبصر بھی شریک ہوچکے، اکادمی ادبیات پاکستان ، کراچی یونیورسٹی ، بحریہ یونیورسٹی ، گیریزن یونیورسٹی ، ساہیوال آرٹس کونسل ، گورنمنٹ کالج و یونیورسٹی فیصل آباد ، اقبال اکادمی سمیت درجنوں اہم اداروں کی قومی وبین الاقوامی کانفرنسوں میں بطور مندوب و محقق شریک ہو چکے ہیں ۔
آپ علمی و ادبی اور سماجی مسائل پر دو سو سے زائد کالم و مضامین لکھ چکے ، یہ کالم نوائے وقت، اوصاف ، خبریں ، جناح اور نئی بات میں مختلف اوقات میں شائع ہوتے رہے ۔ آپ ان دنوں روزنامہ 92 نیوز سے بطور مستقل کالم نویس وابستہ ہیں ۔